Landing sa Balay tambalanan ang 56 anyos nga drayber ambulansya sa LGU Sumilao human kini gibanggaan sa usa ka truck pasado alas 5:00 sa buntag, Nobyembre 19, 2025, sa Sayre Highway, Brgy. San Vicente, Sumilao, Bukidnon.
Sa imbistigasyon sa Sumilao Municipal Police Station samtang ang ambulansya ug motor nakaparada sa lugar nga nahitaboan nga nagsilbing warning blinkers sa mga sakyanan nga moagi sa lane nga gigamit sa mga partisipante sa fun run nga gipasiugdahan sa USTP Sumilao.
Pag-abot sa dapit sa insidente, giingong nakatulog ang drayber sa truck ug wala makamatikod sa ambulansya ug motor hinungdan sa panagbangga.
Kasamtangan ang truck anaa sa custudiya sa Sumilao Municipal Police Station samtang nagpadayon ang imbestigasyon sa insidente.