INC, nanawagan sa matinud-anon ug dayag nga imbestigasyon sa giingong korapsyon sa gobyerno

Gipanawagan ni Edwil Zabala, spokesperson sa Iglesia ni Cristo (INC), ang usa ka matinud-anon ug dayag nga imbestigasyon bahin sa giingong korapsyon sa gobyerno.

Lakip sa iyang panawagan nga ipa-atubang ang mga personalidad nga nalambigit sa isyu aron masiguro nga manubag kini.

Sumala pa ni Zabala, nabalaka siya tungod nga adunay pipila nga anaa sa gobyerno, media, ug uban pang political analyst nga nagabaliktad sa impormasyon bahin sa balaod, ug dugang pa, ang mga saksi nga unta maghisgot kung kinsa ang mastermind sa korapsyon, napugos ug naipit sa proseso sa imbestigasyon.

Subay niini, namatikdan usab ni Zabala ang dayag nga pagpangdaot batok sa mga tawo nga motabang sa imbestigasyon aron matabunan ang tinuod nga ugat sa korapsyon.