Anaa karon sa China si King Maha Vajiralongkorn sa Thailand, human sa personal nga imbitasyon ni Chinese President Xi Jinping.
Kini mao ang unang higayon nga mibisita ang hari sa China sukad siya milingkod sa trono siyam (9) ka tuig ang milabay. Ang pagbisita nagtimaan sa ika-50 anibersaryo sa diplomatic relations tali sa Thailand ug China.
Kauban sa hari ang iyang asawa nga si Queen Suthida ug nakatakdang mobisita sila sa Lingguang Buddhist Temple ug sa Beijing Aerospace City.
Human sa ilang mga aktibidad, magpahigayon si President Xi Jinping ug iyang asawa ug state banquet alang sa royal couple.
Ang pagbisita nagpakita sa lig-ong relasyon ug panaghigalaay tali sa duha ka nasud nga padayon nga nagpalig-on sa kalambuan ug kooperasyon sa rehiyon.