Gi issuehan ug Letter of Notice ang pito (7) ka mga tindahan sa Dakbayan sa Valencia lalawigan sa Bukidnon human nagpatuman ang Department of Trade and Industry kon (DTI) Bukidnon nga wala kini misunod sa price freeze sa syudad.
Ang price freeze gipatuman human gideklara ang state of calamity sa Valencia tungod sa flash flood nga nahitabo niadtong Setyembre 17, 2025.
Sa eksklusibong pakighinabi sa Bombo Radyo kay Junar Merla, Chief Consumer Protection Division sa DTI Bukidnon nga gihatagan ug 48 ka adlaw ang mga tindahan aron motubag sa gi-issue nga notice.
Kung mapakyas silang motubag o motuman pagasundan kini ug Notice of Violation ilalom sa Republic Act 7581 o Price Act nga naglatid nga adunay multa nga P5,000 ngadto na sa 1 million alang sa mga malapas.
Gipasabot ni Merla nga ang gipatuman nga price freeze naglangkob sa mga basic ug prime commodities aron maprotektahan ug matabangan ang mga konsumidor nga nakasinati sa kalisod human sa kalamidad.