Gipahigayon sa kapulisan sa Region 10 ang hugot nga checkpoint operations, nga nagresulta sa pagkasikop sa ₱3 milyon kantidad sa smuggled nga sigarilyo sa Brgy. Pamotolon, Kalilangan, Bukidnon.
Sa pakighinabi sa Bombo Radyo Malaybalay ngadto kang PCAPT Sheila Joy Jangad, tigpamaba sa Bukidnon Police Provincial Office, na usa ka yellow-green nga garbage truck gikan sa Iligan City padulong sa General Santos City ang gipahunong sa mga otoridad human makita sa plain view ang 75 ka master cases o 3,750 ka reams sa sigarilyo nga gitabunan sa basura.
Nasikop ang drayber, 45 anyos nga taga Alindahaw, Tukuran, Zamboanga del Sur, ug iyang kauban nga 38 anyos gikan sa Old Capitol, Marawi City. Dugang pa ni PCAPT Sheila Joy Jangad, ang operasyon nagtumong sa pagpalig-on sa border security ug pagpugong sa illegal na smuggling sa rehiyon.
Ang mga nasikop nga kontrabando giturn-over sa Bureau of Customs alang sa hustong disposasyon, samtang ang mga nadakpan pagapasakaan nakanig kaso. Sa pagkakaron, ang kapulisan nagpadayon sa pagmonitor ug koordinasyon sa LGU ug uban pang ahensya aron masiguro nga mapugngan ang illegal na sigarilyo.