Nagpaabot ug pakigduyog sa kasubo si King Charles III alang sa mga naapektuhan sa Bagyong Tino ug Super Typhoon Uwan. Pinaagi sa mensaheng gipagawas sa British Embassy sa Manila, nagpahayag siya sa iyang kabalaka tungod sa sunod-sunod nga makadaot na bagyo nga miigo sa nasud.
Gipadayag usab ni King Charles III ug sa iyang asawa nga si Queen Camila ang ilang kaguol human masayran nga daghang kinabuhi ang nangawala tungod sa maong kalamidad. Una na usab nga nagpaabot ug simpatiya ang ubang mga nasud sama sa Estados Unidos, Canada, Australia, Ireland, United Arab Emirates, ug European Union.
Gipahibalo usab sa US nga maghatag kini ug $1 milyon nga tabang alang sa mga biktima sa bagyo ug linog sa Cebu, samtang ang China motabang usab pinaagi sa $1 milyon nga cash assistance alang sa mga lugar nga grabe nga naapektuhan sa Bagyong Tino ug Uwan.