Nagpasa ug funding bill ang US Senate nga nagtumong sa pagtapos sa government shutdown sa sulod sa pipila ka adlaw uban sa suporta sa walo ka Democrats ug mga Republican.
Sa pinal nga bersyon sa bill, gipatas an ang government funding hangtod Enero sa sunod tuig. Apil niini ang tulo ka tuig nga funding para sa lain-laing federal agencies ug programa ug ang pagbalik sa mga federal workers nga gitangtang sa trabaho sa panahon sa shutdown.
Isip kabaylo sa suporta sa 8 ka Democrats, midawat ang mga Republican nga magbotohan sa Disyembre bahin sa pagpalawig sa health care tax credits. Kinahanglan pa ang aprobasyon sa US House of Representatives ug pirma ni US President Donald Trump aron opisyal nga matapus ang shutdown.
Ang shutdown sa Amerika miabot na og 41 ka adlaw, nga mao ang pinakataas sa kasaysayan sa US. Nagresulta kini sa temporaryo nga pagsuspinde sa serbisyo sa gobyerno ug nakaapekto sa 1.4 milyong federal employees nga walay sweldo o paid leave.
Naguba usab ang operasyon sa mga airport sa US, diin 7,000 ka flights ang nasuspende ug 2,000 ka flights ang nakansela tungod sa kakulang sa staff.