Gibarugan sa Department of Justice (DOJ) nga wala pa’y gipagawas nga ‘warrant of arrest’ gikan sa International Criminal Court (ICC) batok kang Sen. Bato Dela Rosa.
Sukwahi kini sa una nga pamahayag ni Ombudsman Jesus Crispin ‘Boying’ Remulla, nagpasabot ang DOJ nga wala pa sila nakadawat og bisan usa ka kopya sa maong warrant gikan sa International Tribunal.
Gipahayag ni Ombudsman Remulla nga adunay gi-isyu nga warrant of arrest ang ICC batok sa senador.
Apan sa gipahigayon nga press briefing sa DOJ kagahapong adlawa, nga wala pa sila nagkupot og kopya.
Gipunting usab kini ni Chief State Counsel Dennis Arvin L. Chan, bahin sa impormasyon nga adunay arrest warrant.
Matud ni Chan, nga wala pa niini nakita o nadawat nga bisan usa ka kopya sa ICC warrant of arrest ug nag-react lamang sila sa mga nag-circulate online.
Bisan pa man, gipahibalo sa DOJ nga ilang gi-review ang angay buhaton kon mag-isyu na ang maong og warrant ang ICC.
Gihisgutan ni Chan nga duha ang posibleng opsyon diin ang pagsurrender o extradition kang Sen. Bato Dela Rosa.
Apan giklaro niini nga teorya kini pa lamang gumikan wala pa nila nakita o nadawat ang aktwal nga kautusan.
Miluwat usab si Prosecutor General Richard Anthony Fadullon kung kinsa o unsang ahensiya ang unang makabalo kung adunay arrest warrant gikan sa ICC.
Matod ni Fadullon, muagi una kini sa Department of Foreign Affairs (DFA), dayon sa Philippine Center on Transnational Crimes, ug pagkahuman ipasa sa uban pang law enforcement agencies