Gipangandaman na ang paghimo sa bag-ong tinubdan sa kuryente aron masulbad ang padayon nga brownout nga nagasinatian sa syudad sa Malaybalay. Ang lakang nagtinguha nga maghatag ug dugayng solusyon sa problema sa suplay sa kuryente nga nakaapekto sa daghang konsumidor sa syudad.
Sa pakighinabi sa Bombo Radyo Malaybalay, gipahibalo ni Christopher A. Dulfo, General Manager sa Bukidnon II Electric Cooperative Incorporated (BUSECO), nga kasamtangan nang ginamugna ang laing tinubdan sa kuryente nga makapamenos sa epekto sa mga power interruption. Dakong pasalamat usab niini sa lokal nga panggamhanan sa ilang suporta ug pagresponde sa NGCP aron matukod ang maong proyekto.
Matod pa ni Dulfo, gilauman nga karong tuiga pa kini mamugna, apan nauswag ang target nga petsa ngadto sa tuig 2032. Kung mamugna ang proyekto, dili na maapektuhan ang Malaybalay kon adunay palong sa linya gikan sa habagatan nga dapit sa Maramag, tungod kay kuhaon na ang dugang suplay sa kuryente gikan sa Barangay Aglayan. .
Gilauman sa Bukidnon II Electric Cooperative nga pinaagi sa maong inisyatiba, mapalambo ang kasaligan ug kalig-on sa suplay sa kuryente sa Malaybalay ug ubang kasikbit nga lugar.