Gipakita na sa China ngadto sa publiko ang bag-ong aircraft carrier.
Nanguna ang Presidente sa China nga si Xi Jinping sa commissioning sa aircraft carrier nga Fujian, nga midunggo sa military port sa Sanya sa Hainan Island.
Ang Fujian mao ang ikatulo ug most advanced nga aircraft carrier sa China, nga adunay electromagnetic catapults nga makahimo sa paglusad sa tulo ka matang sa aircrafts.
Ang bag-ong teknolohiya, nga nailhan nga Electromagnetic Aircraft Launch System (EMALS), mamahimong makapalupad og aircraft nga puno sa bug-at nga mga armas ug mga fuel loads aron maigo ang layo nga mga target.
Ang laing aircraft carrier sa kalibutan nga adunay mga sistema sa EMALS mao lamang ang USS Gerald R Ford.
Unang giluasd ang Fujian niadtong tuig 2022 ug nagsugod sa paglawig niadtong 2024.
Nagtuo sila nga ang bag-ong aircraft carrier mahimong makigkompetensya sa US.