Gipatanggal sa lokal nga pangagamhanan sa Quezon, Bukidnon ang dalan nga gihimo pinaagi sa bayanihan sa mga residente sa Barangay Palacapao tungod sa kakulang sa pagtugot ug pagka substandard niini.
Sa exclusibong pakighinabi sa Bombo Radyo Malaybalay kay Forts Cabalde, Public Information Officer nga delikado gamiton ang dalan ug wala kini makalusot sa mga kinahanglanong rekisitos sa DPWH.
Personal nga gibisita ni Mayor Pablo “Poling” Lorenzo III ang lugar ug gipatuman ang pagtanggal sa dalan human mapamatud ang walay pagtugot ug nakasupak sa kasabutan tali sa lokal nga pangagamhanan ug DPWH.
Saysay pa niini nga anaa sa hurisdiksyon sa DPWH ang maong dapit, busa sila ang responsable sa pagpatukod sa temporary detour road samtang nagpadayon ang opisyal nga proyekto.
Kasamtangan, mga tawo lamang ang ginatugutan nga makaagi sa lugar samtang padayon pa ang trabaho ug wala pa kini abli para sa mga sakyanan.