Mikabat na sa 89 ang natala nga namatay sa tibuok probinsya sa Cebu gumikan sa kalamidad nga dala ni Bagyong Tino, base sa nakalap nga datos hangtod alas-12 sa udto, ning adlawng Miyerkules, Nobyembre 5.
Ang Liloan mao ang adunay pinakadaghan nga natala nga namatay diin anaa sa 35 ka tawo, gisundan sa Compostela nga adunay 15 usab ka biktima.
Kadaghanan sa mga hinungdan sa kamatayon mao ang pagkalumos, pagkahugno sa yuta, pagkatumba sa kahoy ug pagkabangga sa mga debris tungod sa grabe nga pag-ulan.
Hisayran nga mi-abot sa unang anda sa mga tag-as nga panimalay o lahos-tawo ang gitas-on sa baha nga dala sa Typhoon Category 4 nga bagyo.
Sigon sa pinakaulahing report sa Office of the Civil Defense anaa pa sa dul-an 20 ang nakompirmar ug nahatagag identidad.
Labing daghan sa mga namatay pulos nagpuyo sa probinsya sa Cebu.
Subay sa ulahing datos, anaa pa sa 28 ang missing tungod sa grabeng pagbaha.
Hisayran nga mi-abot sa unang anda sa mga tag-as nga panimalay o lahos-tawo ang gitas-on sa baha nga dala sa Typhoon Category 4 nga bagyo.
Daghang lugar sa Cebu City ang nakasinati og pagbaha nga lapas sa tao, diin ang uban napugos nga mosaka sa atop sa ilang panimalay, ilabi na sa Barangay Bacayan ug sa ubang dapit sa probinsya.
Naanod usab sa tubig baha ang ubang mga sakyanan sa maong barangay, samtang kapin sa 50 ka tawo ang nadala sa kalit nga flashflood, sumala pa ni Cebu City Mayor Nestor Archval.
Wala damha sa mga lumulupyo sa mga lugar sa Cebu ug nasorpresa gumikan nagtuon sila nga hangin lang ang kusog, apan kalit nga misulbong ang tubig baha.
Kapin sa 387,000 ka katawhan ang gipanghikling sa mga lugar nga apektado sa bagyo, base pa sa OCD report samtang padayon ang search and retrieval operation, ug paghatud sa mga hinabang.
Padayon karon ang mga lokal nga otoridad ug rescue teams sa pagpangita ug pagtabang sa mga naapektuhan, samtang gi-awhag usab ang publiko nga magmatngon ug mosunod sa mga opisyal nga advisory aron malikayan ang peligro.