UN, gikondena ang mga airstrike sa US sa mga barko nga nagdala og illegal nga droga isip usa ka extrajudicial killing

Gikondena sa United Nations ang mga airstrike sa US sa mga barko sa nagdala og mga illegal nga droga sa Caribbean ug Pacific Seas.

Sumala sa UN human rights chief Volker Turk, ang aksyon sa US katugbang sa “extrajudicial killing.”

Dugang pa niini, nga ang mga aksyon sa Washington dili makaangayon nga buhat ug kinahanglan nga hunongon gilayon.

Nanawagan usab kini alang sa imbestigasyon sa maong insidente.

Kahinumdoman nga kapin sa 60 ka mga tao ang namatay sa daghang mga airstrike sa US sa mga barko nga nagdala og illegal nga droga sa Dagat Pasipiko ug Caribbean Sea.

Nagtuo si US President Donald Trump nga ang ilang gihimo mao ang pamaagi sa pagpahunong sa pagkuyanap sa illegal nga droga sa maong dapit.