Patay’ng lawas sa mga hostages sa Hamas, nauli na sa Israel

Nadawat na sa Israel ang duha ka patay’ng lawas sa duha ka mga hostages sa Hamas sa Gaza.

Gitugyan na kini sa Red Cross ug dad-on sa national forensic laboratory alang sa pag-ila sa maong mga patay’ng lawas.

Kung makumpirma na ang mga identidad niini, adunay na lamang 11 ka mga patayn’ng lawas nga nahabilin sa Gaza.

Matud sa Israel Prime Minister’s Office nga dili kini mohunong hangtod ang tanan nga mga hostages mahibalik sa Israel.

Ang pagbalhin sa mga patay’ng lawas nahitabo duha ka adlaw pagkahuman gilusad sa Israel ang punishing strikes sa Gaza isip tubag sa pagpatay sa Hamas sa duha ka mga sundalo sa Israel.