Gipahimangnoan sa Armed Forces of the Philippines (AFP) ang sayop nga interpretasyon sa pahayag ni AFP Chief of Staff General Romeo Brawner Jr. kabahin sa temporaryong pag-deploy sa Typhon missile system sa Estados Unidos nga gibutang sa Pilipinas.
Kini human akusahan ni Davao Representative Paolo “Pulong” Duterte si Gen. Brawner nga nagpasigarbo matud pa sa abilidad sa maong missile system nga ipadangat sa China, ug gikaingong nga gibutang sa pilegro kinabuhi sa mga Pilipino alang sa pakig-alyansa sa Amerika.
Sa opisyal nga pamahayag, gitin-aw sa AFP Chief of Staff Gen. Brawner naghatag lamang og teknikal nga impormasyon ug nagpangayo og gipasabot nga ang presensya sa Typhon missile system sa nasud alang lamang sa pagbansay ug pagpalig-on sa kahanas sa militar ubos sa AFP modernization program.
Gihimakak usab sa AFP ang akusasyon nga kini midapig sa interes sa langyaw, ug giinsister nga ang tanang kalihukan pangdepensa ug pakigtambayayong sa ubang nasud gihimo ubos sa independent foreign policy sa Pilipinas.
Nanawagan kini sa mga opisyal ug opinion leaders nga magmatngon sa ilang mga pamahayag aron dili makapakatag og sayop nga impormasyon o kakulang sa pagsalig sa militar.
Gipahayag sa AFP, magpabilin silang matinud-anon sa serbisyo ug sa pagpanalipod sa katawhang Pilipino ug sa nasud.