Gitinguha sa kagamahanan ang hingpit nga reporma sa buhis ug makaatarunganong pagpatagad sa mga mamumuo.
Kini ang gipahibalo ni Presidente Ferdinand “Bongbong” Marcos Jr. o (PBBM) nga magpatuman ang Bureau of Internal Revenue (BIR) ug reporma aron masiguro nga ang mga tawo o grupo nga nalambigit sa mga iregularidad sa mga flood control projects manubag ubos sa balaod.
Matud sa Presidente, usbon sa BIR ang mga prayoridad niini ug tutukan ang imbestigasyon batok sa mga nakapahimulos sa korapsyon.
Gipasalig usab sa Pangulo nga walay makaikyas sa kasong may kalabutan sa pangurakot, ug padayon nga iduso sa gobyerno ang makatarunganon ug patas nga sistema sa pagbayad og buhis.
Gisiguro usab niini nga ang mga micro, small, and medium enterprises (MSMEs) ug mga dagkong kompanya nga matinud-anong nagbayad ug buhis, tratuhon sa maayo ug patas nga paagi.
Pagtun-an matud pa sa BIR ang ilang buhatan gikan sa sobra nga auditing sa MSMEs ug dagkong kompanya ngadto sa pag-imbestiga sa mga kuwestiyonableng proyekto nga giila sa gobyerno.
Dugang pa, gimanduan usab sa Presidente ang Department of Finance (DOF) ug BIR nga susihon ang posibilidad sa tax exemption sa pipila ka sektor aron dili mabug-atan ang ilang obligasyon sa pag-withhold ug pag-remit sa creditable withholding taxes.
Lakip usab sa reporma ang pagpasimple sa sistema ug pag-ubos sa tax rates aron mapadali ang pagsubay sa mga regulasyon sa buhis.
Tumong sa maong lakang ang paghatag pabor sa mga taxpayer nga gikapoy na sa komplikadong proseso, apan dili maapektuhan ang kita sa gobyerno.
Giluwat usab sa pangulonga nagmugna ang DOF ug BIR ug mga panukala aron itaas ang tax-exempt ceiling, sama sa uniform ug clothing allowance nga gikan sa ₱7,000 mahimong ₱8,000 matag tuig.
Kini nga mga kausaban dili lang bahin sa numero, kondili bahin usab sa katarungan ug dignidad sa mga manggagawang Pilipino nga angay makinabang sa kauswagan sa nasud.