Gipahibalo ni Senador Panfilo “Ping” Lacson nga ipahigayon ang sunod nga pagdungog sa Senate Blue Ribbon Committee karong Nobyembre 14, 2025. Matod niini, usa ka “hinungdanong testigo” ang ipatawag aron mopasabot sa mga isyu nga may kalambigitan sa korapsyon sa paggamit sa pondo sa gobyerno.
Apan wala pa kini gipangalanan, pero gibutyag ni Lacson nga adunay kini direktang kahibalo sa kaso. Apil usab nga giimbitahan si retired T/Sgt. Orly Guteza sa maong pagdungog. Gi-awhag sa senador ang publiko nga tutukan ang pagdungog aron masuta ang kamatuoran ug manubag ang mga nalambigit.
Samtang, si kanhing Ako Bicol Representative Zaldy Co mao ang giingong manguna sa unang batch nga pasakaan og kaso sa Sandiganbayan nga may kalambigitan sa anomalya sa mga flood control projects. Kini gibutyag ni Ombudsman Jesus Crispin Remulla human sa padayon nga imbestigasyon sa paggamit sa pondo sa gobyerno.
Sumala ni Remulla, base sa testimonya sa mga kanhing district ug assistant engineers, nalambigit si Co sa P35 bilyon nga budget insertions gikan 2022 hangtod 2025 alang sa mga proyekto sa Bulacan. Giingon sa Ombudsman nga kini nga mga kaso unang lakang aron makab-ot ang hustisya ug masabtan ang tinuod nga dagan sa korapsyon sa maong proyekto.