US, magdeploy og aircraft carrier strike group ngadto sa Caribbean Sea

Magpakatap ang US og aircraft carrier strike group ngadto sa Caribbean Region.

Matud ni Defense Secretary Pete Hegseth nga iyang gimandoan ang Gerald R. Ford strike group, nga anaa sa Europe, sa pagbalhin ngadto sa Caribbean Region.

Gikaingon misyon niini, mao ang hingpit nga pagbungkag sa Transnational Criminal Organization ug pakigbatok sa narco-terrorism sa nasangpit nga rehiyon.

Adunay kapin sa 10 ka operasyon ang gipahigayon sa US military sa rehiyon sa Caribbean, diin mokabat sa 43 ka mga tao ang namatay sukad gipakusgan ang kampanya sa miaging bulan.