Wala gitagaan og gibug-aton sa Malacañang ang sulat sa usa ka pribadong indibidwal nga si John Santander, nga nangayo sa Independent Commission for Infrastructure (ICI) nga imbestigahan matud pa ang kalambigitan ni First Lady Liza Araneta Marcos kang Maynard Ngu, nga nalambigit karon sa isyu sa anomalya sa flood control projects.
Gitawag pa ni Castro si Santander nga “ nuisance candidate nga gihatagan og pamiliti ug nagpalit og suka” human nagpadala sa maong sulat.
Sumala ni Palace Press Officer ug Presidential Communications Office (PCO) Usec. Atty. Claire Castro, walay basehan ug puro hearsay lamang ang unod sa sulat ni Santander.
Dugang pa niini, dili na kini hatagan og pagtagad sa First Lady ang isyu gumikan wala kini’y igong ebidensya ug fishing expedition lamang ang tumong sa nagsumite sa reklamo.
Giklaro usab sa Palasyo nga wala na’y koneksyon sa gobyerno si Maynard Ngu, tungod kay natapos na ang iyang unom ka buwang termino isip special envoy for trade, investments, and tourism for China niadtong Agosto, ug wala na kini gi-renew.