Trump, gihulga ang hamas kung mulapas kini sa kasabutan sa ceasefire

Gihulga sa Presidente sa US nga si Donald Trump nga hutdon ug gub-on ang Hamas kung magpadayon kini nga mapakyas sa pagtuman sa kasabutan sa ceasefire sa Israel.

Kini nunot sa subling pagbutho sa kagubot sa Gaza human ang duha ka sundalong Israeli napatay sa militanteng grupo sa Hamas.

Sa pagkakaron, si Trump nagtuo nga ang Hamas gikaingong hinay-hinay na nga nagsunod sa kasabutan, apan kung sila magmagahi, dili matud pa kini magpanuko sa pagsulod sa gubat.

Giklaro usab sa Presidente sa US nga wala kini moapil sa Israel sa pagsulong sa Gaza ug gikaingong aduna lamang kini operasyon nga gilihok sa maong lugar.