Padayon karon ang ikaduhang adlaw sa gihimong search and retrieval operation sa nahugnong kalsada sa Overview, Sitio Kipolot, Barangay Palacapao, Quezon, Bukidnon.
Kini alang sa pagpangita sa magtiayon nga sila Ely ug Thelma Ubatay, mga residente sa Purok 9, Kahusayan, Kitaotao, Bukidnon, nga gikatahong biktima sa pagkahulog sa bao-bao nga gisakyan sa Bukidnon–Davao Road niadtong Oktubre 18, 2025, pasado alas-9 sa gabii.
Sumala ni Forts Cabarde, Public Information Officer sa lungsod sa Quezon, temporaryong gipahunong kagahapon pasado alas-5:30 sa hapon ang operasyon aron makaplano sa mas epektibong pamaagi sa pagpadayon karong adlawa.
Kasamtangan, padayon ang koordinasyon tali sa mga pwersa sa Provincial Disaster Risk Reduction and Management Office (PDRRMO) sa Bukidnon, uban ang mga rescue teams gikan sa lungsod sa Quezon, Valencia City, Damulog, Kadingilan, Kalilangan, ug Dangcagan, kauban usab ang Bukidnon Provincial Police Office (BukPPO), 89th Infantry Battalion, ug Bureau of Fire Protection (BFP) alang sa mas lawom ug lapad nga operasyon.
Samtang aron mas mapadali ang search efforts, nagdugang usab og manpower, teknolohiya, ug han-ay nga sistema sa pagresponde.
Gipalig-on usab ang operasyon pinaagi sa pagdeploy sa K9 unit ug scanner sa PDRRMO sa padayon nga paglaum nga madali ang pagkakita sa magtiayon Ubatay.Â