US, subling naglusad og airstrike sa barko sa Colombia nga nagdala og illegal nga droga

Gianunsyo ni US Defense Secretary Pete Hegseth nga subling milusad sila og airstrike sa barko nga nagdala og illegal nga droga.

Ang nasangpit nga barko nalambigit sa pagpayuhot og illegal nga droga sa Caribbean nga gidumala sa usa ka Colombian terrorist group.

Gidugang pa niini nga gikatahong adunay tulo ka mga lalaki ang namatay human sa airstrike.

Ikapito na kini nga insidente nga gihimo sa militar sa US nga nagdala og illegal nga droga.

Giisip niini ang maong mga kartel isip Al Qaeda sa Western Hemisphere nga naggamit og pwersa, pagpatay ug terorismo.

Matud pa niini nga hangtod nga dili mawagtang ang maong grupo, ila kining isipon nga terorista.