Gipakita sa Simbahang Katoliko sa Malaybalay City ang suporta niini sa panawagan batok sa korapsyon pinaagi sa pagsul-ob ug puti nga sanina isip simbolo sa pagkahiusa sa nasud alang sa matinud-anong serbisyo publiko.
Sa pakighinabi sa Bombo Radyo Malaybalay, gibutyag ni Father Nadz Gamalo – San Isidro Labrador Cathedral Parish Malaybalay City Bukidnon, nga nakigduyog kini sa panawagan sa Catholic Bishops’ Conference of the Philippines (CBCP) nga manawagan batok sa nagpadayon nga mga kaso sa korapsyon sa nasud. Gipasabot niini nga ang tanang simbahan sa Katoliko sa tibuok Pilipinas misunod sa maong inisyatibo atol sa Misa kagahapong adlawng Domingo.
Dugang pa niini, pinaagi sa maong panawagan, gilauman nga malamdagan ang mga opisyal sa gobyerno – gikan sa Kongreso, Senado, hangtod sa mga lokal nga opisina – aron magpakatinuod sa ilang katungdanan ug magserbisyo alang sa katawhan, dili alang sa kaugalingong interes.