Napakyas ang Filipina tennis ace nga si Alex Eala sa Japan Women’s Open human siyang napildi ni Tereza Valentova sa iskor nga 1-6, 2-6 sa una nga round sa torneo niadtong Martes sa Osaka, Japan.
Si World No. 78 Valentova, nga midaog batok kang Alina Charaeva sa qualifiers aron makasulod sa main draw, nanginahanglan lang og usa ka oras ug 27 minutos aron makuha ang kadaugan batok kang Eala, nga kasamtangang ranked No. 54 sa kalibutan.
Midaog si Valentova sa upat ka sunod-sunod nga dula, sa wala pa makapuntos si Eala aron mahimong 4-1.
Apan dali ra nakuha ni Valentova ang duha pa ka dula aron makuha ang 1-0 lead.
Sa ikaduhang set, sama gihapon ang dagan diin milabaw si Valentova sa 3-0 og padayon nga nagdominar ni Valentova hangtod nakaabot sa 5-1.
Misulay og comeback si Eala human iyang nabali ang serve sa kontra aron mahimong 2-5, apan wala gyud siya kalikay sa kapildihan.
Kini na ang ikaduhang sunod nga sayong pagkapildi ni Eala, human usab siyang mapildi sa qualifying round sa Wuhan Open mas sayo karong buwana, human sa iyang sunod-sunod nga maayong performance sa miaging mga torneo.