Gikumpirma sa gobyerno sa Israel nga nakabalik na sa ilang mga panimalay ang kataposang 20 ka binilanggo nga gidakop sa militanteng grupo nga Hamas sulod sa kapin duha ka tuig.
Gipahibalo ang maong kalampusan atol sa pagbisita ni US President Donald Trump sa Israel nga usa sa mga nanguna sa pagduso sa ceasefire deal tali sa Hamas ug Israel.
Tungod sa iyang papel sa kasabutan, gihatagan og standing ovation si Trump sa mga miyembro sa parlamento sa Israel.Sa Tel Aviv, daghang tawo ang mitigom aron ipakita ang ilang suporta sa mga pamilya sa mga binilanggo.
Napuno sa emosyon ang maong kalihokan human sa dugay nga panahon sa pagpangandoy sa ilang kaluwasan.Samtang kabahin sa nasabutan nga ceasefire deal, ang Israel mopagawas usab og kapin 2,000 ka Palestinong priso.
Sa Ramallah City sa Palestine, nagtapok ang mga tawo aron hulaton ang pag-abot sa unang bus nga nagsakay sa mga priso. Lakip sa ipagawas mao ang 250 ka security detainees nga nalambigit sa mga insidente sa pagpamatay sa mga Israeli ug 1,700 pa nga mga Palestino nga gidakop sa Gaza atol sa gyera.