Girespondehan sa kapulisan ang usa ka vehicular accident pasado alas 11 sa buntag, niadtong Abril 10, 2025, sa National Highway sa Overview, Palacapao, Quezon Bukidnon human madisgrasya ang usa ka pampasaheroang van.
Subay sa imbestigasyon, nalambigit ang usa ka puti nga Toyota Commuter Long Nose Van nga dunay plate number nga NID2951, ug nasayrang gimanehuan sa usa ka 46 anyos ang sakyanan ug adunay tulo ka pasahero nga sakay.
Nasayran nga ang sakyanan gikan sa Cagayan De Oro City paingon sa Davao City samtang naglatas sa highway, apan kalit matud pa nga nawad- an ang drayber og kontrol sa sakyanan mahitungod sa digyas nga dalan, nga miresulta sa pagtipas niini sa kadalanan ug pagkahulog sa pang-pang.
Gumikan sa maong insidente, nakaangkon og samad sa lawas ang duha ka pasahero nga gilayong gidala sa Quezon Health Center Infirmary, samtang ang laing pasahero gideklara nga dead on arrival sa attending physician sa maong balay tambalanan.
Samtang, nagpahimangno ang kapulisan nga mahimong responsable ug magmatngon sa pagmaneho sa kadalanan hilabi na og ting-ulan.