DSWD, nanawagan og mga boluntaryo alang sa pagtabang sa mga apektado sa Mt. Kanlaon

Mukabat sa 48,000 ka mga indibidwal kon katugbang sa 12,000 ka mga pamilya ang naapektuhan sa pagbusikad sa Mt. Kanlaon sa Negros Occidental.

Ang maong datos gikan sa 28 ka mga barangay nga apektado sa laing- laing dapit.

Gibutyag ni Social Welfare Assistant Secretary Irene Dumlao nga nakahatag na sila og mga tabang sa mga evacuees sama sa pagkaon ug lakip na ang tabang pinansyal.

Samtang, padayon pa ang ilang pagdawat sa mga boluntaryong muhatod sa serbisyo sa mga naapektohang mga residente.