DOLE, gikalipay ang pagkunhod sa gidaghanon sa walay trabaho sa nasud!

Gikalipay sa Department of Labor and Employment (DOLE) ang pagkunhod sa gidaghanon sa mga walay trabaho sa nasud.

Base sa datos sa Philippine Statistics Authority (PSA), niadtong Agosto adunay 3.9 porsyento nga unemployment rate — mas ubos tandi sa 5.3 porsyento niadtong Hulyo ug 4.0 porsyento sa Agosto 2024.

Matud sa DOLE, bisan pa sa daghang bagyong miigo sa nasud, wala kini makapahunong sa mga employer sa pagpadayon sa ilang negosyo.

Gipasabot usab sa ahensya nga padayon silang nagbuhat og mga lakang aron mapalig-on ang tamdanan sa panginabuhian o trabaho, lakip na ang pagpahigayon og daghang job fairs sa nagkalain-laing bahin sa Pilipinas.