Gipahayag ni Palace Communications Undersecretary Claire Castro nga wala’y kamatuoran ang nagkaylap nga balita nga siya ang mahulip kang Jesus Crispin “Boying” Remulla isip bag-ong kalihim sa Department of Justice (DOJ).
Matud ni Castro sa isyu nga naggikan sa social media, nga wala kini masayud asa nanggikan ang balita og wala pa’y desisyon si Presidente Ferdinand Marcos Jr. bahin niini.
Gidugang pa ni Castro nga wala pa’y shortlist sa mga kandidato nga posibleng mopuli kang Remulla, nga mobiya sa DOJ human sa iyang matudlo isip bag-ong Ombudsman.
Gisalikway usab ni Castro ang mga ispekulasyon nga paboran ni Remulla ang kaso batok kang Bise Presidente Sara Duterte sa dihang molingkod siya isip Ombudsman.
Matod pa niini, ang pagtudlo ka Remulla isip Ombudsman nagpasabot sa transparency ug patas nga hustisya.
Ang Ombudsman dili alang sa usa lang ka grupo, kundili alang sa tanang mamumuo ug opisyal nga kinahanglan manubag sa balaod.