Pope Leo XIV, gitakdang mobisita sa Turkey ug Lebanon

Gikatakda nga mobisita si Pope Leo XIV sa Turkey ug Lebanon.

Matud sa Vatican, mao kini ang unang biyahe sa Santo Papa sukad sa paglingkod niadtong Mayo.

Siya usab ang labing una nga Santo Papa sa US nga mobisita sa Turkey, nga ipahigayon gikan sa Nobyembre 27 hangtod 30.

Human niini, magpadayon si Pope Leo XIV  sa Lebanon gikan sa Nobyembre 30 hangtod sa Disyembre 2 diin gipaabot nga makigpulong siya sa mga Kristiyano sa Middle East aron maghangyo alang sa kalinaw sa lugar.

Atol sa iyang pagbisita sa Turkey, gilauman nga makigkita siya sa Patriarch Bartholomew, ang espirituhanong lider sa mga Kristiyanong Orthodox.