Palpak nga drone show sa Liuyang, China, nagresulta og pag-uwan sa nagdilaab nga debris

Ang usa unta ka kasadya nga pasundayag sa kagabhion nahimong kasamok sa Liuyang, China, human mapakyas ang usa ka drone show nga nagresulta sa pag-uwan sa nagdilaab nga mga debris gikan sa kalangitan.

Sa video makita ang pagdagan sa mga mananan-aw samtang nangahulog gikan sa taas ang nagbaga nga mga parte sa pyrotechnic materials.

Swerte na lamang nga wala natala nga naangol base sa report sa mga otoridad.

Dali usab kini mikatap online ang hulagway sa kakuyaw nga nahitabo sa Liuyang, nga nailhan usab nga “fireworks capital” sa China.

Sa pagkakaron, padayon pang ginahimo ang imbestigasyon aron masuta ang tinuod nga hinungdan sa insidente.