Kada adlaw adunay nanginahanglan ug dugo sa tibuok kalibutan ilabi na kadtong mga adunay seryosong kondisyon sa lawas sama sa leukemia, dengue, anemia, cancer ug mga pasyente nga gikinahanglan ug operasyon.
Sa eksklusibong pakighinabi sa Bombo Radyo Malaybalay kay Jocelyn Daroy, Head Officer sa Phil. Red Cross Buk, nga padayon ang pagsaka sa panginahanglan sa dugo sa ilang buhatan tungod sa kadaghan sa mga pasyente nga nanginahanglan niini.
Tungod sa kakuwang sa suplay gidasig sa Red Cross ang mga kwalipikadong indibidwal nga magdonar sa dugo aron makatabang sa mga pasyente nga nanginahanglan. Alang sa mga gustong magdonar ang mga nag-edad og 16 ug 17 anyos gikinahanglan nga adunay consent gikan sa ginikanan, samtang ang 18 anyos pataas walay na kini mga requirement.
Samtang para sa mga edad 50 pataas, kinahanglan nga adunay kasaysayan sa regular nga pagdonar aron mahatagan og clearance sa pagdonar og balik.Ang pagdonar sa dugo giila nga usa sa pinakapaspas ug epektibong paagi aron makatabang sa ubang tawo.
Sa ilang paniguro nga luwas ug angay gamiton ang dugo, gisiguro sa Philippine Red Cross ang hugot nga screening process nga naglangkob sa lima ka lakang sama sa donors registration, Physical Examination, Hemoglobin Testing,Blood Typing ug Confidential Interview