Nakaplagan ang patay nga lawas sa usa ka senior citizen nga nailhan sa alyas “Amando,” 80 anyos, residente sa Purok 5, Gutapol, Kibawe, Bukidnon, alas 6:00 sa buntag karong Setyembre 30, 2025.
Ang lawas nakit-an sa daplin sa sapa, mga 150 metros gikan sa iyang panimalay.
Ang biktima nakaplagan sa kaugalingong pag-umangkon nga nabalaka tungod wala kini nakiselebrar sa ilang pista, hinungdan nga misuroy kini sa balay sa iyang uyoan nga mga duha ka kilometro ang gilay-on gikan sa iyang pinuy-anan.
Pag-abot sa lugar, iyang nadiskubrehan ang patay nga lawas sa iyang uyoan daplin sa sapa.
Samtang sa gihimong imbestigasyon sa kapulisan, wala’y nakita nga samad o bun-og sa lawas sa biktima ug wala usab nakita nga timaan sa foul play sa lugar sa insidente.
Gidala gilayon ang patay nga lawas sa Rural Health Unit sa Kibawe alang sa post-mortem nga eksaminasyon aron matino ang hinungdan sa iyang kamatayon.