Nakakuha og silver medal si Carlos Baylon samtang bronze medal ang nadala ni Agatha Wong sa 2025 World Wushu Championships nga gipahigayon sa Brazil.
Nasakmit ni Baylon ang silver medal sa men’s sanda 56kg event, samtang ikatulo si Wong sa women’s combined taijiquan ug taijijian event.
Nagpasalamat si Wong sa iyang kalampusan pinaagi sa social media.
Sa post ni Wong, gipasidunggan niini ang Ginoo sa maong kalampusan ug gidayeg ang kaanindot sa Brazil.
Gawas kang Wong, lima pa ka Filipino athletes ang nakadala usab og bronze medals sama nila Jennifer Kilapio (women’s sanda 52kg),Krizna Malecdan (women’s sanda 52kg), Xander Alipio (men’s sanda 65kg), Gideon Padua (men’s sanda 60kg), Russel Diaz (men’s sanda 52kg).
Sumala sa Philippine Embassy sa Brazil, ang Pilipinas mao ang mopahigayon sa World Wushu Championships sa tuig 2027.