Gihugtan sa otoridad ang alert level status sa kasamtangan gumikan sa padsyon nga nagkadakong protestang kalihukan sa nagkadaiyang bahin sa nasud.
Namugna ang maong kalihukan subay sa mga isyu sa korapsyon sa mga flood control projects.
Gikumpirma ni spokesperson Col. Francel Margaret nga ang tanang unit sa kasundalohan ilawom sa Sandatahang Lakas ng Pilipinas, hingpit nang giisa sa Red alert level status diin gilaumang magpadayon hangtud adunay mga protestang kalihukan.
Matud pa niini, ang maong lakang usa ka pagpakita og suporta Philippine National Police ngadto sa seguridad ug kalinaw sa mga aktibidad sa mga progresibong grupo sa mga musunod pang mga adlaw.
Bisan paman kon musangpot sa kagubot, nagpasalug ang opisyal nga walay angay ikabalaka ang publiko sa sitwasyon.
Dugang pa niini, adunay igong ihap sa kasundalohan ang andam muresponde ug igabutang sa manglahing lugar nga aktibo ang mga protestante.
Samtang sa pikas bahin, hingpit usab ang paglusad sa kapulisan ang “No permit, no rally policy” batok sa kalihukan ug panawagan sa katawhan nga musangpot sa usa ka halapad nga pagprotesta.
Sa pakighinabi sa Bombo Radyo Philippines kay Pmaj. Philip Ines sa Manila Police District, gipahayag niini nga ang maong mando subay kang PNP Chief Police Lieutenant General Jose Melencio Nartatez Jr. ug lig-on nga ipatuman usab kini sa ilang banay.