Parehong mitimbang og 167.5 pounds sa opisyal nga weigh-in sa Fontainebleau Las Vegas, si Canelo Álvarez ug Terence Crawford alang sa super-middleweight title fight.
Gitinguha ni US boxing champion Terrence Crawford nga makabuhat og kasaysayan sa boxing pinaagi sa umaabot nga dula kontra sa Mexican nga si Canelo “Saul” Alvarez karong Domingo (oras sa Pilipinas) sa Las Vegas.
Si Álvarez mao ang undisputed super-middleweight champion ug magdepensa sa iyang WBC, WBA, IBF ug WBO belts.
Samtang si Crawford, mao ang undisputed welterweight champion ug kaniadto usab undisputed sa light-welterweight.
Base sa mga obserbasyon sa pipila ka sports analyst posibleng moangkon si Canelo og bentaha sa kadako ug kusog, apan gisaligan sa kampo ni Crawford ang iyang abilidad, kusog ug teknikal nga kahanas nga mahimong makapatas sa dula.