Nagpadayon ang maayong dagan sa Filipina tennis ace nga si Alexandra Eala sa SP Open sa São Paulo human niini nga gipildi si Julia Riera gikan sa Argentina sa straight sets, 6-1, 6-4, sa Round of 16.
Sa unang set, gidomina ni Eala ang dula ug nakab-ot ang 4-0 nga abante, ug miluntad hangtod nga nakuha ang set 6-1.
Samtang sa ikaduhang set, nakalamang si Riera sa 2-1, apan nakabalos si Eala ug gitapos ang dula sulod lang sa usa ka oras kapin.
Gumikan niini, nadugangan sa pito ka sunod-sunod nga kadaugan ang rekord ni Eala ug miabante kini sa quarterfinals diin makasangka niini ang Indonesian nga si Janice Tjen.
Ang maong kadaugan naghatag usab kang Eala og abante sa WTA ranking nga No. 61 diin makasangka niini si Janice Tjen sa Indonesia sa umaabot Biyernes, ug nagpadayon kini sa paghimo og kasaysayan alang sa Pilipinas.