Gipadayag ni kanhi DPWH assistant engineer Brice Hernandez ang mga hulagway sa daghang kwarta nga giingong “for delivery” para sa mga gitumbok nga proponents sa flood control project ni kanhi district engineer Henry Alcantara.
Sumala ni Hernandez, kuha ang mga hulagway sa ilang “tambayanan” nga nahimutang sa usa ka pribadong bilding duol sa opisina sa DPWH Bulacan 1st District.
Gipaambit niini nga siya ang gitahasan ni Henry Alcantara aron iplastar ang kwarta apan kini nga nasayod sa mga indibiduwal nga makadawat sa maong bilyon-bilyong kantidad.
Kabahin niini, gipadayag usab ni Engr. Jaypee Mendoza ang mga text message exchange tali nila Engr. Henry Alcantara, Senador Jinggoy Estrada, ug Senador Joel Villanueva may kalabot sa mga proyekto sa flood control.
Sumala ni Mendoza, naglakip ang maong mga mensahe og pakigsabot ug koordinasyon kabahin sa alokasyon sa pondo, pagpili sa mga contractors, ug update sa kahimtang sa proyekto.
Ang mga mensahe giingong nagpakita og direktang partisipasyon sa duha ka senador sa ilang pakigtambayayong sa mga proyekto ubos sa Department of Public Works and Highways (DPWH).
Dugang pa Mendoza, kini nga mga komunikasyon nagpamatuod sa posibleng political influence sa pagpahigayon sa mga proyekto, nga karon ginausisa sa mga otoridad.