Human sa palpak nga serbisyo sa Prime water sa Syudad sa Malaybalay nangayo ug dugang 90 ka adlaw nga lugway ang buhatan aron matuman ang ilang mga obligasyon sa syudad human natapos ang 60 ka adlaw nga ultimatum niadtong Agosto 26, 2025.
Gipahigayon ang maong hangyo atol sa board meeting sa Prime Water ug sa mga kadagkoan sa Malaybalay City Water District (MCWD).
Matud ni Engr. Nolito Binahon, General Manager sa MCWD, ang mga obligasyon nga angay buhaton sa Prime Water mao ang mga mosunod pagpakunhod sa non-revenue water,pagpatuman ug dili moubos sa 10 PSI nga water pressure, pagtaas sa volume sa tubig ug target nga gidaghanon sa koleksyon matag tuig.
Kahinumduman nga hagbay rang nahuman ang gihatag nga ultimatum ngadto sa Prime Water apan hangtod karon wala pa hingpit nga natuman ang kasabutan.Kasamtangan, nag-andam na og legal nga dokumento ang MCWD alang sa ilang pinal nga desisyon. Sa higayon nga makompleto ang mga papeles, magpagawas dayon kini og opisyal nga impormasyon kabahin sa mosunod nga lakang.