Boluntaryong mitahan balik sa sabakan sa gobyerno ang lima ka mga miyembro sa Communist Terrorist Group (CTG) sa Milisya ng Bayan sa Bukidnon human sa gipakusog nga operasyon ug pakig-alayon sa komunidad nga gipangulohan sa Philippine National Police.
Ang mga boluntaryong mitahan gitago sa mga pangalang sila alyas Ka Win, 36 anyos, lalaki, ug alyas Desay, 28 anyos, babaye, nga parehong miyembro sa GF89, SRC2, NCMRC, nga misurender sa Bukidnon 1st Provincial Mobile Force Company (PMFC) uban ang tabang sa Malaybalay City Police Station, Intelligence Group, ISOD, ug DI-MAPIO.
Misunod usab si alyas Talisay, 44 anyos, nagpailang usa ka miyembro sa Milisya ng Bayan, GF Malayag, SRC2, NCMRC, nga misurender sa Bukidnon 2nd PMFC Headquarters sa Don Carlos.
Mitahan usab si alyas Jake, 38 anyos, sa GF Malayag, SRC2, NCMRC, ug si alyas Garry, 49 anyos, usa ka SRSDG Peddler, SRC2, NCMRC, dala usab ang 12-gauge shotgun ug tulo ka bala.
Ang lima ka misurender anaa na sa kustodiya sa kapulisan alang sa custodial debriefing ug profiling.
Kahinumdoman nga nahitabo ang pagsurender sa lima ka gikaingong myembro sa Milisya ng Bayan niadtong Agosto 22 ug 23, ning tuiga.
Samtang gidasig usab sa, Provincial Director sa Bukidnon Police Provincial Office (BukPPO), ang mga nalambigit sa armadong pakigbisog nga dawaton na ang kalinaw ug mubalik sa sabakan sa gobyerno aron makab-ot ang mas hayag ug malinawon nga lalawigan.