Nagkalisang ang Bukidnon sa pagtaas sa mga kaso sa illegal nga droga diin ang labing nalambigit mao ang mga kabatan-onan.
Nadakpan una sa Barangay Crossing, Libona, Bukidnon, pasado alas 2:50 sa hapon,kagahapong adlawa ning tuiga, ang usa ka 20 anyos nga Grade 12 na estudyante nga giingong bag-ong nakasulod sa pagpamaligya ug shabu. Nakuha kaniya ang duha ka sachet sa gituohang shabu nga gibug-aton 0.299 gramos ug mobalor og P2,033.
Sunod na nasikop sa alas 8:20 sa gabii sa Impasug-ong, niadtong milabayng adlaw, nasikop ang usa ka 19 anyos nga babaye kauban ang usa ka menor de edad. Nagresulta sa operasyon ang pagkabawi sa unom ka sachets nga adunay gibug-aton nga 3.5 gramos nga mobalor sa P23,800. Sa Valencia City, sa milabayng adlaw usab, na-sikop ang usa ka 39 anyos nga giingong drug personality sa Barangay Lumbo. Nakuha gikan kaniya ang upat ka sachets sa shabu nga motimbang og 10.4 gramos nga adunay kantidad nga P70,720.
Anaa na sa kustodiya sa kapulisan ang tanang mga suspetsado samtang magatubang kani sa kasong paglapas sa RA 9165. Gipahimangnoan usab sa mga otoridad ang ginikanan ug komunidad nga hugtan pa ang pagbantay aron dili mabiktima ang kabataan sa pagpanapti sa ilegal nga droga.