Nasakmit sa usa ka lalaki gikan sa Edgewater, Colorado, USA, ang nag-update sa iyang Guinness World Record human niya dugangan ang iyang koleksyon sa mga Eye Tattoo, nga karon miabot na sa usa ka gatos (100).
Si Chadwyck Minson unang giila sa Guinness niadtong miaging tuig isip “ pinakadaghan og eyeball tattoos sa lawas (lalaki)” nga adunay 65 ka eye tattoos.
Apan bag-ohay lang, nagdesisyon siya nga dugangan kini og 35 aron makumpleto ang 100 ka mga tattoo.
Ang mga tattoo, nga gihimo sa artist nga si Stoke Lucero sa Nocturnal Tattoo shop, adunay nagkalain-laing disenyo ug estilo.
Adunay mga mata sa tawo ug hayop, mga abstract nga simbolo, ug mga karaang disenyo.
Matud ni Minson, nga usa usab ka Reiki master, ang mga mata nagrepresentar sa proteksyon batok sa mga dautang espiritu.
Ang uban sa mga disenyo nagrepresentar sa mga hayop nga espesyal alang kaniya.
Matud pa sa tattoo artist nga si Stoke Lucero, usa kini ka hagit nga buhaton ang nagkalain-laing disenyo sa mata.
Tungod sa iyang talagsaong mga tattoo, kasagaran siya hunongon sa mga pampublikong lugar sa mga tawo nga naay katingalahan ug mangutana kabahin niini.
Bisan pa sa iyang record, matud si Minson nga daghan pa siya gusto ipa-tattoo, apan ang problema na lang niya karon mao kung asa pa siya magbutang niini sa iyang lawas.