Gibutyag ni Kris Aquino nga siya gipailawom sa usa ka surgical procedure isip kabahin sa padayon niyang pakigbisog batok sa 11 ka autoimmune diseases nga midapat sa iyang kahimsog.
Sa usa ka post sa iyang social media account, gipaambit sa TV host/actress ang usa ka hulagway samtang siya anaa sa ospital.
Matud ni Kriz, iyang gihangyo ang mga doktor nga mahuman ang operasyon sa dili pa moabot ang Agosto 21, ang petsa sa kamatayon sa iyang amahan nga si dating Senador Benigno “Ninoy” Aquino Jr.
Bisan wala kini mihatag sa eksaktong detalye sa maong operasyon, miluwat kini nga gipailawom na usab siya sa laing procedure aron ilisan ang iyang port-a-cath, usa ka medical device nga ibutang sa lawas aron matabangan ang kasingkasing sa pagdala sa dugo padulong sa mga ugat.
Dugang pa ni Kris, nga ang iyang kusog sa pagpadayon nagagikan sa iyang gugma alang sa mga anak nga sila Josh ug Bimby.
Nagkanayon pa siya nga dugay na unta siyang misurender, apan nagapadayon lang siya sa pakigbisog tungod sa iyang duha ka anak.