Nagpasidaan si Senador Panfilo “Ping” Lacson nga daghang politiko ang nakakuha og dakong bahin sa mga kickbacks gikan sa mga flood control projects.
Gipasabot niini nga ang mga insertions sa budget ug unprogrammed funds mahimong magdala sa mga anomalya ug korapsyon.
Apan, Gihimakak ni Rep. Arnan Panaligan nga wala kini nag-fund, wala nag-propose, ug wala kini labot sa implementasyon sa napalpak nga flood control project sa Oriental Mindoro.
Samtang, nagtuo si Senate President Pro Tempore Jinggoy Estrada, nga dili magbunga ang usa ka “ghost project” kung wala’y kooperasyon gikan sa Commission on Audit.
Miluwat ang Senador, nga dapat ipatawag sa sunod nga pagdungog sa Senate Blue Ribbon Committee ang mga opisyal sa ahensya aron maklaro ang mga anomalya sa flood control projects sa gobyerno.
Dugang pa niini, nga posible nga molungtad hangtud 10 ka pagdungog ang imbestigasyon kabahin sa mga anomalya.
Gisiguro usab ni Presidente Ferdinand R. Marcos Jr., nga padayon nilang usisahon ug pasakaan og kaso ang mga opisyal ug kontraktor nga mapamatud-an nga nagbuhat og korapsyon.
Gigatagan usab og gibug-aton sa Presidente ang kamahinungdanon sa transparency ug integridad sa paggamit sa pondo sa publiko.