Nagpahayag si US President Donald Trump nga magpagawas kini og resolusyon nga maghatag og seguridad sa Ukraine.
Gisiguro ni Trump kini atol sa ilang panagpulong uban ni Ukrainian President Volodymyr Zelensky ug pipila ka mga lider sa Europa.
Naglaum kini nga adunay kasabutan nga mahitabo tali sa Ukraine ug Russia.
Una niyang gipulong si Zelensky diin mas kalmado kini tandi sa unang panagtagbo sa duha.
Nagpasalamat si Zelensky kang Trump tungod sa iyang pagsuporta sa katapusan sa giyera tali sa Ukraine ug Russia.
Andam usab ang US nga magpadala og mga sundalo sa Ukraine aron masiguro nga dili na mausab ang paglusob sa Russia.
Giandam usab ni Trump ang posibilidad sa panagpulong nila tulo ni Russian President Vladimir Putin.
Human sa panagpulong nila ni Zelensky, nakig-uban usab sila sa ubang mga lider sa Europa.
Apil niini sila European Commission President Ursula von der Leyen, British Prime Minister Keir Starmer, Finnish President Alexander Stubb, French President Emmanuel Macron, Italian Prime Minister Giorgia Meloni, German Chancellor Friedrich Merz ug North Atlantic Treaty Organization (NATO) Secretary-General Mark Rutte.
Sa gihimong pulong uban sa mga lider sa Europa, gisiguro ni Trump ang seryoso niyang pagsuporta sa ceasefire, subay sa iyang gisaad sa kampanya nga andam siyang tapuson ang giyera tali sa duha ka nasud.