Gi awhag ni Malaybalay City Mayor Jay Warren Pabillaran ang katawhan nga magpadayon sa pagbantay ug pagsusi sa mga kalihokan sa gobyerno ilabi na sa paggamit sa pampublikong pondo.
Sa eksklusibong pakighinabi sa Bombo Radyo Malaybalay, gibutyag ni Pabillaran nga ang gobyerno obligado nga abli sa mga pampublikong dokumento nga gikinahanglan sa katawhan subay sa Magna Carta for Public Accountability and Transparency.
Matud pa niini kini nga katungod sa katawhan mao ang gasolina sa demokrasya usa ka importante nga pwersa aron mapadayon ang pagkamaayo ug pagkamatinud anon sa mga opisyal nga anaa sa katungdanan.
Sa laing bahin, gipahayag ni Pabillaran nga ang Flood Control Projects nga gimugna sa national government wala naglakip ang syudad sa Malaybalay tungod matud pa ang maong mga proyekto kasagarang dako og kantidad mga mukabat gikan sa ₱50 milyon pataas. Ang mga proyekto nga pang lokal level kasagarang nagalinya lamang sa kantidad nga ₱5 milyon ngadto sa ₱15 milyon