Misumite si Senador Robin Padilla og sugyot nga balaodnon nga nagmando sa tanang opisyal sa gobyerno, lakip na ang presidente sa Pilipinas, nga mosailalom sa annual mandatory drug testing.
Ilalom sa Senate Bill No. 1200 o Drug-Free Government Act, nga nagtinguha nga usbon ang Republic Act 9165 o Comprehensive Dangerous Drugs Act of 2002, ipatuman ang annual hair follicle drug test gikan sa lokal nga opisyal hangtod sa mga gipili sa government-owned and controlled corporations (GOCCs).
Gisugyot usab nga ang mga kandidato sa eleksyon mosailalom sa boluntaryong random drug testing sulod sa 90 ka adlaw sa wala pa ang adlaw sa piniliay. Kung masakpan nga naggamit og ilegal nga droga ang usa ka opisyal, mahimo kining mahimong basihanan sa administratibong kaso nga mosangpot sa suspensyon o pagtangtang sa posisyon.