4 ka miyembro sa NPA, nakabsan sa kinabuhi atol sa engkwentro tali militar

Nakabsan sa kinabuhi ang upat ka miyembro sa New People’s Army kon NPA sa engkwentro batok sa militar sa Saldab Complex, Malaybalay City ug Barangay Dumalaguing, Impasug-ong, Bukidnon.

Gikataho nga tulo ka lalaki ug usa ka babaye ang nakabsan sa kinabuhi.

Nakumpiska sa kasundalohan ang usa ka high-powered firearm ug ubang gamit panggubat atol sa operasyon sa 403rd Infantry “Peacemaker” Brigade uban sa Scout Rangers, Special Forces, Infantry Battalions ug Reconnaissance Battalion.

Kahinumdoman nga nahitabo ang engkwentro niadtong Agosto 13, 2025.