Gikansela sa Ultimate Fighting Champion (UFC) ang gikatakdang away nila ni Nursulton Ruziboev ug Bryan Battle alang sa middleweight belt.
Kini human si Battle mirehistro og gibug-aton nga halos duha ka kilo nga mas taas tandi sa weight limit
Base sa opisyal nga weigh-in, si Battle mitala og 190lbs samtang si Ruziboev nakaabot sa 186lbs-limit.
Ang duha gikatakdang magsangka karong semanaha ubos sa UFC 319 apan nakahukom ang liga nga dili na ipadayon.
Samtang, dili pa klaro kung ang away itakda sa sunod nga mga bulan.
Ubos sa UFC 319 event, kini na ang ikatulong away nga gikansela.
Una mao ang pagkansela sa away ni King Green ug Diego Ferreira ubos sa lightweight belt.
Gisundan kini sa pagkansela sa away nilang Rodrigo Sezinando ug Daniil Donchenko alang sa welterweight.
Parehong gikansela ang maong duha ka mga away tungod sa wala matino nga mga injury.
Base sa mga rekord sa UFC, si Ruziboev naghupot og fight record nga 36-9-2 samtang si Battle adunay win-loss record nga 13-2-0.