Filipina champion Denice Zamboanga makigsangka sa Japanese mixed-martial artist Ayaka Miura sa Atomweight MMA World Title  

Gisiguro sa Japanese MMA fighter nga si Ayaka Miura buhaton niini ang tanan aron modaog batok sa Filipina nga si Denice Zamboanga alang sa ONE Atomweight MMA World Title sa Nobyembre 16 sa Tokyo.

Gilauman  ni Ayaka Miura nga mahimong unang babayeng Haponesa nga makadaug og ONE Championship belt ug determinado siyang makuha kini.

Adunay sa lima ka sunod-sunod nga kadaugan si Miura, apan nasayud siyang lisod ang away niini batok sa reigning champion nga si Zamboanga nga adunay upat ka straight wins.

Ang ilang panagsangka mao ang mag-abli sa upat ka title bouts sa ONE 173, nga lakip ang away ni Joshua Pacio alang sa flyweight MMA title, ug uban pang championship fights.